Video transcript from: https://www.youtube.com/watch?v=eHR54qMpi1I&t=2s. English below.
מיינע חסידישע ברודער, די תורה זאגט אונז אז אויב אונז וועלן זיך אויפירן ווי ס’דארף צו זיין וועלן די פעלקער קוקן אויף אונז און זיי וועלן זאגן “רק עם חכם ונבון הגוי הגדול הזה”. איך וואוין שוין זעקס יאר ציווישן די פעלקער און קיינער זאגט דאס נישט וועגן אונזערע חסידישע, היימישע קהילות. די אידן וואס די וועלט קוקט ארויף זענען נישט פון אונזערע היימישע קהילות. אונז זענען די קהילה אידן וואס פרובירן מער ווי אנדערע אידן אפצוהיטן די תורה איז פארוואס איז די הבטחה נישט מקוים געווארן?
די תורה זאגט אונז אן צו זיין אן “אור לגוים”. אונז דארפן זיין די וואס ווייזן די וועגן פון אמת און ישרות פאר די וועלט. אבער אלץ איינער וואס וואוינט ציווישן די גוים קען איך אייך זאגן אז ליידער איז אונזער קהילה אפט א מוסטער אויף וויאזוי זיך נישט אויפציפירן. וואס גייט פאר?
איך בין א פראדוקט פון אונזערע חסידישע און היימישע קהילות. אין די מוסדות האט מען מיך אויפגעברענגט צו ליב האב אן אנדערן איד, צו העלפן א צווייטן. מען האט מיך אויפגעברענגט מיט עבודת השם און עבודת המידות, צו פאדערן פון זיך, צו ארבעטן אויף זיך, צו ווערן א בעסערע מענטש. די הדרכות באגלייטן מיך טאג טעגליך אין מיין לעבן און איך בין גאר מחשיב וואס אונזער מסורה האט מיך איבערגעגעבן.
אונזערע קהילות זענען פול מיט ווארעמקייט, חסד און לעכטיגקייט. מי כעמך ישראל ווי אידן געבן זיך איבער איינעם פארן אנדערן, ווי אונז האבן א פריוואטע health care: הצלה, ווי די קהילה נעמט זיך צוזאם כאיש אחד בלב אחד צו העלפן א איד אין נויט.
אבער למען השם וואס גייט פאר מיט אונזער אנושות, אונזער מענטשליכקייט? וויאזוי רעדן מיר וועגן דעם באשעפערס בריאות וואס זענען נישט ווי אונז? וויאזוי באציען מיר זיך צו גוים? וויאזוי לאזן מיר צו אז עס איז א נארמאלע זאך אין אונזערע קהילות צו אויסשווינדלען דעם גוי און אים צו ווינטשן אלעס שלעכטס? וואספארא מענטשן זענען אונז וואס ווען מיר הערן אז איינעם גייט שלעכט זאגן מיר “אויף אלע גוים געווינטשן”? גוים זענען עפעס נישט קיין מענטשן מיט געפילן וואס קענען שפירן צער?
די גמרא זאגט אז דעם וואס האט נישט טועם געווען פון א יעדע פרי וועט מען מעניש זיין וויבאלד ער האט נישט הנאה געהאט פון וואס דער באשעפער האט אים געגעבן. די תורה וויל אז אונז זאלן זיין באקוועם אין דער וועלט וואס דער בעשעפער האט באשאפן פאר אונז מענטשן. דער רמב”ם זאגט נאכמער אז אונז האבן א חיוב צו לערנען און פארשטיין דעם באשעפערס בריאה. לכאורה וואלטן די universities געדארפט פול זיין מיט היימישע אידן וואס שטודירן די בריאה און ווילן איר פארשטיין. ווי האלטן מיר אבער ווען עס קומט צו לעבן אין די וועלט און איר פארשטיין?
אונז ברענגען אויף אונזערע אינגלעך צו לעבן ווי נשמות אן גופים. אויף יעדע שטאפל לערנט מען זיי אויס אז די וועלט איז א שלעכטע פלאץ. מען זאגט זיי אן זיך אפצוזינדערן פון די וועלט און גיין וואוינען אין די עולמות העליונים. א יעדע מענטשליכן געפיל איז א זינד; וועלן פארשטיין די וועלט אביסל איז כפירה. אנשטאט אונז אויפציברענגען מיט א נאטורליכע נייגעריגקייט און וואונדער פארן באשעפערס בריאה פארמאכט מען אונזערע קעפ מיט נארישקייטן און אמונות טפילות. ווען איך האב געפרעגט אין חדר וויאזוי גראז וואקסט, האט מיך דער מלמד געזאגט אז יעדע גראז האט א מלאך וואס זאגט אים צו וואקסן. ווען איך האב ווייטער געפרעגט וויאזוי דעם מלאך’ס דיבור איז גורם דאס וואקסן אינם גראז, האט ער מיר געזאגט אז דאס איז העכערע זאכן און מיר פארשטייען נישט.
אבער דער מלמד האט ליגן געזאגט צו מיר. מיר פארשטייען יא! דער זעלבע פראפעסאר פאר וועם די קהילה וועט זאמלען מיליאנען כדי אז ער זאל אויסהיילן א קראנקן איד קען דיך מסביר זיין פונקטליך וויאזוי גראז וואקסט. דער פראפעסאר דער גוי פארשטייט בעסער די בריאה ווי דו דער עובד השם אבער דו פארשטאפסט דיינע אויערן און ברענגסט אויף דיינע קינדער מיט שקר און בלינדקייט.
אונז ברענגען אויף אונזערע אינגלעך מיט א האס און שנאה אנטקעגן דעם באשעפערס בריאה און די מענטשן וואס ער האט באשאפן. אונז זענן אומבאקוועם אין דעם באשעפערס וועלט און אונז האבן זיך פארמאכט די אויגן און פארשטאפט די אויערן פון פארשטיין וואס גייט פאר. אבער די וועלט ווארט נישט פאר אונז. ביז דערווייל האבן גוים און מאדערנע אידן זיך אוועקגעזעצט צו שטודירן די וועלט און איר פארשטיין. מיר האבן אנטדעקט דברים העומדים ברומו של עולם וועגן די וואונדערליכע בריאה. אונז האבן דערגרייכט מיט אונזער מענטשליכע פארשטאנד דארט ווי פריערדיגע דורות האבן ניטאמאל געחלומט. אונז פליען אין די הימלען ווי פייגל און אונז האבן פארלענגערט די לעבנס-יארן פון מענטשן מיט אפאר צענדליג יאר דורך אויסטרעפן רפואות פאר אלערליי מחלות. אונז פארשטייען וויאזוי די וועלט ארבעט פונם קלענסטן אטאם ביז די גרעסטע galaxies. איך שפיר יעדן טאג די זכיה אז איך קען זיין ציווישן די סייענטיסטן וואס פארשן אונזער וואונדערליכע וועלט.
אבער ווי זענען אונז היימישע אידן? ווי זענען אונז ווען עס קומט צו פארשטיין און לערנען דעם אייבערשטנס בריאה? זענען אונז נאכאלץ אן עם חכם ונבון, אדער מעגן נאר פרייע און מאדערנע אידן קענען די וועלט און די בריאה? וואס וואלט רמב”ם דער דאקטאר געזאגט ווען ער זעט דאס שפלותדיגע מצב פון אונזערע קהילות?
אונזערע קהילות זענען אריבער אסאך טראומא. מען האט אונז גערודפט, דערהרגעט און אונז געצווינגען צו שמד. נאכן חורבן אין אייראפע האבן אונז מחליט געווען אז אונז קענען נאר איבערלעבן ווי אידן אויב אונז פארמאכן זיך פון די וועלט. אונז האבן אויפגעגעבן אונזער רעכט צו זיין בירגער פון די וועלט כדי צו ראטעווען אונזער אידישקייט. אבער וואס אויב אין זיך אזוי ראדיקאליש פארמאכן האבן אונז אויפגעגעבן נישט נאר אונזער אנושות, נאר אונז האבן אויך פארשוועכט דאס עצם אידישקייט? וואס אויב אונז האבן זיך אזוי פארלייגט אויף זיך צו אפהיטן און זיך צו פארמאכן אז אונז האבן אינגאנצן פארגעסן ווער דער אייבישטער איז און פארוואס ער האט באשאפן די בריאה? אונז האבן געמאכט טפל עיקר און עיקר טפל. אונז האבן אנגעהאלטן די גוף פון אידישקייט אבער אפגעלאזט איר נשמה.
אין אונזערע מוסדות לערנט מען אונז נישט אויס אהבת הבריות. מען לערנט אונז אויס אז מיר טארן נישט זיין נייגעריג און וועלן פארשטיין. עס איז נישט דא קיין וועלט אינדרויסן פון די ענגע כותלי בית המדרש. ניטאמאל פארשטיין אונזערע אייגענע הייליגע לשון קודש מעג מען, ווייל דאס איז די טריפהנע דקדוק. אונזערע אייגענע תורה און היסטאריע – נ”ך – לערנען מיר נישט; אפשר דערפאר ווייסן מיר נישט ווי ווייט די נביאים האבן פיינט געהאט שווינדל און ווי זיי האבן געזאגט אז ישרות און צדק און אהבת הברוית איז וויכטיגער פון עולות וזבחים.
“מאסתי חגיכם” זאגט אונז עמוס. הושע זאגט “גם כי תרבו תפילה אינני שומע”. מיכה זאגט “מה ה’ דורש ממך, כי אם עשות משפט ואהבת חסד והצנע לכת עם אלהיך”. ווי ווייט אונזערע קהילות זענען אוועק פון עבודת השם! אנשטאט אין אידישקייט זענען מיר עוסק און ביטערע און הארבערע חומרות; אנשטאט ניצן די שכל וואס דער אייבערשטער האט אונז געשאנקן, פאלגן אונז וואס נישט געזונטע מענטשן הייסן אונז ווי מענטשן וואס גייען ארום אנא קעפ. “אזוי האט מען געוואוסט ביי חסידים”, “מען דארף נישט אלץ פארשטיין”, “ס’איז העכערע זאכן”. ווען וועלן מיר עפענען די אויגן און זען די וועלט? אדער זענען מיר אזוי brain washed אז מיר קענען פשוט נישט טראכטן פאר זיך?
אונזער קהילה – די זעלבע הערליכע קהילה מיט די חסד און די לעכטיגע משפחות – איז קראנק. אונז ברענגען אויף דורות מיט בחורים און אינגערלייט וואס זענען פשוט נישט געזונט מיט טיפע גייסטישע פראבלעמען. זיי וויסן נישט וואס צו טון מיט זיך און מיט דער פאקט אז זיי האבן א גשמיותדיגע גוף און אז זיי לעבן אין א געזעלשאפט. זיי וויסן ניטאמאל אז זיי מעגן האבן געפילן, אז זיי מעגן טראכטן פאר זיך.
אונזער קהילה דארף האבן א דאקטאר נויטיג. אויב אונז וועלן נישט זיכן רפואות גאר שנעל, וועלן אונזער שענסטע און בעסטע נישט האבן קיין ברירה און וועלן מוזן פארלאזן די קהילה. שוין יעצט אין ארץ ישראל און אמעריקע פארלאזן קלוגע און וואוילע מענטשן אונזערע קהילות ווייל מען האט זיי נישט געגעבן דאס פלאץ צו שפירן, לעבן און טראכטן ווי א מענטש. און די ציפערן וואקסן מיט יעדן טאג.
די תשובה איז נישט מיטן זיך פארמאכן נאכמער אדער מיט ארויסווארפן נאך שנעלער די וואס וואגן זיך צו טראכטן פאר זיך. מיר מוזן איבערקומען די טראומע וואס האט אונז גורם געווען צו האבן אזא פחד פון די וועלט. מיר מוזן אויפהערן זען די וועלט ווי אונזער שונא. מיר דארפן אויפברענגען אונזערע קינדער צו זיין אידן וויבאלד אונזער מסורה און וועג פון לעבן איז פול מיט גוטסקייט און חכמה, נישט וויבאלד די וועלט איז א סכנה. מיר דארפן זיין אידן אין די וועלט, נישט אנטקעגן די וועלט. מיר זענען אידן ציווישן אנדערע מענטשן וואס זענען אויך דעם באשעפערס בריאות, נישט אידן וואס רעכענען גוים פאר “אונטער-מענטשן”. דאס איז א נאציסטישע וועג פון טראכטן, נישט א אידישע!
אונזערע קהילות זענען אין קריזיס. עס איז נישט דא קיין צייט צו פארלירן. די בחירה איז פשוט: אדער עפענען אונז זיך אויף און הייבן אן אויפברענגען מער געזונטע קינדער, בירגער פון די וועלט, מיט א נאטורליכן נייגעריגקייט און דאס מעגליכקייט צו טראכטן פאר זיך. אדאר לאזן מיר די עקסטרעמיסטן אונז אראפשלעפן נאך טיפער און שאול תחתית, אינם גהינם של מטה ווי אונז זענען ווי זאמביס וואס קענען נישט טראכטן און פילן און האבן פיינט סיי די וועלט און סיי זיך אליין פאר דער חטא פון עקזיסטירן אינם וועלט. די בחירה איז אונזערע. אין הדבר תלוי אלא בנו.
My chassidic Brethren, the Torah tells us that if we’ll behave appropriately, then the nations will look at us and say, “Isn’t this great people clever and wise?” I’ve been living amongst the nations for 6 years now and no one is saying this about our Chassidic, traditional communities. The Jews that the world does look up to are not from our traditional communities. Ours are the community of Jews who try more than other Jews to obey the Torah, so why has this promise not come true?
The Torah commands us to be a “light onto the nations”. We are meant to be those who show the world the ways of truth and fairness. But as someone who lives amongst the gentiles, I can tell you that our community is often a model on how not to behave. What is happening?
I am a product of our chassidc, traditional communities. In these institutions I was brought up to love my fellow Jew and to help others. I was brought up in the service of God, in character-improvement, to demand from oneself, to work on oneself to become a better person. These teachings accompany me in my daily life and I am very appreciative of what our tradition has passed on to me.
Our communities are full of warmth, kindness and light. Who is like us in the way that we selflessly care for others, how we have our own private health-care system in the form of Hatzalah, how the community gathers as one to help a Jew in need.
But for God’s sake, what has happened to our humanity? How do we talk about God’s creations who are different to us? How do we relate towards gentiles? How could we let it be the case that it is normal practice in our communities to swindle the non-Jew and wish him ill? What kind of humans are we that when we here that someone is in pain we say, “may this come on all the gentiles”? Are gentiles not people with feelings who can suffer?
The Talmud says that whoever hasn’t tried every type of fruit will be punished, since he hasn’t enjoyed what God has given him. The Torah wants us to be comfortable in the world that God has created for humanity. Maimonides says that we have a duty to study and understand God’s creation. Presumably the universities should have been full of traditional Jews studying the universe and trying to understand it. But where are we up to when it comes to living in the world and understanding it?
We bring up our boys to live like disembodied souls. At every stage they are taught that the world is an evil place. They are taught to isolate themselves from the world and live in the Upper Realms instead. Every human feeling is a sin; wanting to understand the world is heresy. Instead of educating us with a natural curiosity and wonder of God’s creation, our brains get blocked with nonsense and superstitions. When I asked in school how grass grows, the teacher told me that every blade of grass has an angel that tells it to grow. When I carried on asking how the angel’s speech causes the grass to grow, he told me that these are mystical matters that we don’t understand.
But the teacher lied to me. We do understand! The same professor for whom the community gathers millions of pounds so that he may heal a Jew who is ill, can explain to you exactly how grass grows. The gentile professor understands God’s creation better than you, God’s servant, does. But you block your ears and bring up your kids with lies and blindness.
We are bringing up our boys with hate and loathing towards God’s creation and the people in it. We are uncomfortable in God’s world and we have covered our eyes and blocked our ears from understanding what is happening. But the world isn’t waiting for us. In the meantime, gentiles and modern Jews have sat down to study the world and to understand it. We have discovered profound truths about the wonderful creation. With our human intellect we have reached there where previous generations haven’t even dreamt of. We fly in the skies like the birds and we have increased the human life expectancy by several decades through the discovery of all kinds of medications. We understand the workings of the universe from the tiny atom to the largest of galaxies. I feel privileged every day to be amongst the scientists who study our wonderful world.
But where are us traditional Jews? Where are we when it comes to understand and study God’s creation? Are we still a “clever and wise people”, or are only secular and modern Jews allowed to know the world and creation? What would Maimonides the doctor have said had he seen the lowly state of our communities?
Our communities have gone through lots of trauma. We have been prosecuted, murdered and forcefully converted. After the holocaust we decided that we can only survive as Jews if we close ourselves off from the world. We gave up our rights as citizens of the world in order to save our Judaism. But what if in so radically closing ourselves off we have given up not only our humanity, but have also desecrated Judaism itself? What if we have focused so much on shutting ourselves closed that we have forgotten who is God and why He has created the world? We have made the details into fundamentals and the fundamentals into details. We have kept the body of Judaism but given up on its soul.
We are not taught love of humanity in our institutions. We are taught that we mustn’t be curious or want to understand. There is no world outside of the narrow walls of the synagogue. We are not even allowed to understand our own Holy Tongue, as that is the “inappropriate grammar”. Our own Torah and history – the Nach – we do not study; perhaps that’s why we don’t know how much the prophets hated swindle and how they said that fairness, justice and love of humanity is more important than sacrifices for God.
“I find your festivals disgusting”, Amos tells us. Hosea says, “even as you multiply prayers I do not listen”. Micah says, “What does God ask of you other than pursuing justice, loving kindness and being humble with God?” How far our communities have strayed from the service of God! Instead of Judaism we are busy with strict and severe stringencies; instead of using the intellect that God gave us, we obey unhealthy people as if we were people walking around without heads. “This is how chassidim lived”, “We don’t need to understand everything”, “It’s a mystical thing”. When will we open our eyes and see the world? Or are we so brainwashed that we simply can’t think for ourselves?
Our community – the same beautiful community with the kindness and radiant families – is sick. We are bringing up generations of boys and young men who are simply ill with deep mental issues. They don’t know what to do with themselves and with the fact that they have an earthly body and that they live in society. They don’t even know that they are allowed to feel and think for themselves.
Our community urgently needs a doctor. If we won’t look for remedies swiftly, our best will have no option but to leave the community. As I’m writing, there are nice and clever people in Israel and America who are leaving the community because they were not given the space to feel and think like a human being. And the numbers are growing with every passing day.
The answer is not to close ourselves off even more or to kick out even faster those who dare to think for themselves. We must overcome the trauma that caused us to fear the world. We need to stop seeing the world as our enemy. We need to bring up our kids to be Jews because our tradition and way of life is full of good and wisdom, not because the world is a threat. We need to be Jews in the world, not in opposition to it. We are Jews amongst humans who are also God’s creation, not Jews who consider non-Jews as subhuman. That is the Nazi way of thinking, not the Jewish one!
Our communities are in crisis. There is no time to lose. The choice is simple: either we open up and start bringing up healthy children, citizens of the world, with a natural curiosity and permission for independent thinking. Or we can let the extremists drag us down even deeper into the abyss, into a hell on earth where we are like zombies who can’t think and feel and who hate the world and ourselves for the sin of living in it. The choice is ours. The matter depends on us alone.